ລັດຖະບານລາວ ມອບຫລຽນກາມິດຕະພາບ ໃຫ້ແກ່ ທ່ານ ນາງ ກາຣິນາ ອິມໂມເນັນ, ຜູ້ປະສານງານ ອົງການສະຫະປະຊາຊາດ ແລະ ຜູ້ຕາງໜ້າ ອົງການ ສປຊ ເພື່ອການພັດທະນາ UNDP ປະຈໍາ ສປປ ລາວ

UNRC friendship medal ceremony

ຮູບພາບ: UN Lao PDR/Olga Nilovaenglish button

 ລັດຖະບານລາວ ມອບຫລຽນກາມິດຕະພາບ ໃຫ້ແກ່ ທ່ານ ນາງ ກາຣິນາ ອິມໂມເນັນ (Kaarina IMMONEN), ຜູ້ປະສານງານ ອົງການສະຫະປະຊາຊາດ (ສປຊ) ແລະ ຜູ້ຕາງໜ້າ ອົງການ ສປຊ ເພື່ອການພັດທະນາ UNDP ປະຈໍາ ສປປ ລາວ.

ໃນວັນທີ 19 ເມສາ 2019 ຢູ່ທີ່ ກະຊວງການຕ່າງປະເທດ ໄດ້ມີພິທີປະດັບຫລຽນກາມິດຕະພາບ ໃຫ້ແກ່ ທ່ານ ນາງ ກາຣິນາ ອິມໂມເນັນ (Kaarina IMMONEN), ຜູ້ປະສານງານ ອົງການສະຫະປະຊາຊາດ (ສປຊ) ແລະ ຜູ້ຕາງໜ້າ ອົງການ ສປຊ ເພື່ອການພັດທະນາ (UNDP) ປະຈໍາ ສປປ ລາວ, ເພື່ອເປັນການຍ້ອງຍໍຊົມເຊີຍຜົນງານຂອງຜູ້ກ່ຽວ ພາຍຫລັງສິ້ນສຸດ ການປະຕິບັດໜ້າທີ່ຢູ່ ສປປ ລາວ. ຕາງໜ້າລັດຖະບານລາວປະດັບຫລຽນກາມິດຕະພາບໃນຄັ້ງນີ້ ແມ່ນ ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ ໂດຍມີການເຂົ້າຮ່ວມຂອງພະນັກງານຂັ້ນສູງຈາກ ບັນດາກະຊວງຂະແໜງການ ກ່ຽວຂ້ອງ, ຜູ້ຕາງໜ້າຫ້ອງການຜູ້ປະສານງານ ສປຊ ແລະ ອົງການເຄືອຂ່າຍ ສປຊ ປະຈຳ ສປປ ລາວ ເຂົ້າຮ່ວມ. ໃນໂອກາດດັ່ງກ່າວ, ທ່ານ ຮອງລັດຖະມົນຕີ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສຳເລັດໃນການປະຕິບັດ ໜ້າທີ່ວຽກງານໃນໄລຍະຜ່ານມາຂອງ ທ່ານ ນາງ ກາຣິນາ ອິມໂມເນັນ, ທີ່ໄດ້ປະກອບສ່ວນເສີມຂະຫຍາຍການພົວພັນຮ່ວມມື ແລະ ການຊ່ວຍເຫລືອ ສປປ ລາວ ໃນດ້ານຕ່າງໆຂອງອົງການ UNDP ເປັນຕົ້ນແມ່ນວຽກງານທາງດ້ານ ການພັດທະນາ ຢູ່ ສປປ ລາວ. ດັ່ງນັ້ນ, ລັດຖະບານ ແຫ່ງ ສປປ ລາວ ຈຶ່ງໄດ້ຕົກລົງຍ້ອງຍໍປະດັບຫລຽນກາມິດຕະພາບ ເພື່ອເປັນການຈາລຶກຜົນງານການປະກອບສ່ວນໃນການສ້າງສາພັດທະນາຢູ່ ສປປ ລາວ ຂອງຜູ້ກ່ຽວ. ພ້ອມດຽວກັນ ທ່ານ ນາງ ກາຣິນາ ອິມໂມເນັນ ກໍ່ໄດ້ສະແດງຄວາມຂອບອົກຂອບໃຈຕໍ່ການ ຮ່ວມມື ແລະ ສະໜັບສະໜູນຂອງລັດຖະບານລາວ ຕະຫລອດໄລຍະການປະຕິບັດໜ້າທີ່ຂອງທ່ານ ໃນໄລຍະເວລາເກືອບ 05 ປີທີ່ຜ່ານມາ, ພ້ອມທັງຢືນຢັນຈະສືບຕໍ່ປະກອບສ່ວນຊຸກຍູ້ໃຫ້ມີການຊ່ວຍເຫລືອ ແລະ ສະໜັບສະໜູນຮ່ວມມືຂອງ ອົງການ UNDP ໃຫ້ແກ່ ສປປ ລາວ ໃນຕໍ່ໜ້າ.

ໃນວັນທີ 22 ເມສາ 2019, ພາຍຫລັງພິທີປະດັບຫລຽນ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ, ໄດ້ຕ້ອນຮັບການເຂົ້າຢ້ຽມຂໍ່ານັບອຳລາ ຂອງທ່ານ ນາງ ກາຣີນາ ອິມໂມເນັນ ໂດຍທ່ານ ລັດຖະມົນຕີ ໄດ້ຕາງໜ້າໃຫ້ລັດຖະບານລາວ ສະແດງຄວາມຂອບໃຈ ຕໍ່ຜົນງານ ແລະ ການປະຕິບັດໜ້າທີ່ຂອງທ່ານ ນາງ ກາຣີນາ ອິມໂມເນັນ ຕະຫລອດໄລຍະ ເກືອບ 05 ປີ ທີ່ຜູ້ກ່ຽວໄດ້ປະຕິບັດໜ້າທີ່ຢູ່ ສປປ ລາວ ແລະ ໄດ້ອວຍພອນໃຫ້ທ່ານ ນາງ ກາຣີນາ         ອິມໂມເນັນ ປະສົບຜົນສຳເລັດໃນການປະຕິບັດໜ້າທີ່ວຽກງານໃໝ່ຂອງທ່ານໃນຕໍ່ໜ້າ.

ອົງການ UNDP ປະຈຳ ສປປ ລາວ ແມ່ນອົງການເຄືອຂ່າຍຂອງ ອົງການ ສປຊ ຊຶ່ງມີໜ້າທີ່ຊ່ວຍເຫຼືອລັດຖະບານ ໃນວຽກງານເສດຖະກິດ, ການຫຼຸດຜ່ອນຄວາມທຸກຍາກ ແລະ ການພັດທະນາແບບຍືນຍົງຢູ່ ສປປ ລາວ. ສຳລັບ ຜູ້ປະສານ ງານຂອງ ອົງການ ສປຊ ປະຈຳ ສປປ ລາວ ແມ່ນມີໜ້າທີ່ປະສານງານ ແລະ ເຮັດວຽກຮ່ວມກັບອົງການເຄືອຂ່າຍ ສປຊ ອື່ນໆ ເພື່ອຮັບປະກັນເຮັດໃຫ້ການຊ່ວຍເຫຼືອຂອງ ສປຊ ໃຫ້ແກ່ ສປປ ລາວ ມີປະສິດທິຜົນສູງສຸດ ແລະ ສາມາດຊ່ວຍເຫຼືອ ລັດຖະບານ ໃນການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໃຫ້ບັນລຸຜົນເປັນຈິງ.

Sustainable Development Goals

SDG film Dee lead pic

Lao PDR then & now

Laos CountryStory

The Global Partnership for Effective Development Cooperation commends Lao PDR’s partnership mechanisms for more effective development co-operation.

Look at our photo stories

Exposure screenshot resized

Read our Post-Disaster Needs Assessment (PDNA) report