​ສ​ປ​ປ ລາວ​ສ້າງ​ປະ​ຫ​ວັດ​ສາດ​ໃໝ່ ໂດຍກາ​ນ​ປະ​ກາດ​ນຳ​ໃຊ້​ເປົ້າ​ໝາຍ​ການ​ພັດ​ທະ​ນາ​ແບບ​ຍືນ​ຍົງ​ທີ18 ຢ່າງ​ເປັນ​ທາງ​ການ 

ເປົ້າ​ໝາຍ​ການ​ພັດ​ທະ​ນາ​ແບບ​ຍືນ​ຍົງທີ18 ມີ​ຈຸ​ດ​ປະ​ສົງເພື່​ອ​ ສ້າງ​ຊີ​ວິດ​ທີ່​ປອດ​ໄພ​ຈາກ​ລະ​ເບີດບໍ່​ທັນ​ແຕກໃນ ສ​ປ​ປ ລ​າວ

english button

 ນະ​ຄອນ​ຫຼ​ວງວຽງ​ຈັນ, ວັ​ນທີ 7 ກັ​ນ​ຍາ 2016 - 

ໜຶ່ງ​ໃນເຫດ​ການ​ທີ່​ສຳ​ຄັນ ແລະ ປິ່ນ​ອ້ອມ ​ກອງ​ປະ​ຊຸມ​ສຸດຍອດອາ​ຊຽນແມ່ນ ທ່ານ ທອງ​ລຸນ​ ສີ​ສຸ​ລິດ, ນາ​ຍົກ​ລັດ​ຖະ​ມົນ​ຕີ ​ແຫ່ງ ສ​ປ​ປ ລາວ ແລະ ທ່ານ ບັນ​ ກີມ​ມູນ,​ເລ​ຂາ​ທິ​ການ​ໃຫ​ຍ່ແຫ່ງ​ອົງ​ການສະ​ຫະປະຊາຊາດ, ໄດ້​ປະ​ກາດ​ຢ່າງ​ເປັນ​ທາງການ​ໃນ​ການ​ຈັດ​ຕັ້ງ​ປະ​ຕິ​ບັດເປົ້າ​ໝາຍ​ການ​ພັດ​ທະ​ນາ​ແບບ​ຍືນ​ຍົງ​ທີ18 ທີ່ກ່​ຽວ​ກັບ​ລະ​ເບີດບໍ່​ທັນ​ແຕກ.

“ຊີ​ວິດ​ທີ່​ປອດ​ໄພ​ຈາກ​ລະ​ເບີດບໍ່​ທັນ​ແຕກ, ເກັບກູ້​ລະ​ເບີດບໍ່​ທັນ​ແຕກທີ່ເປັນສິ່ງກີດ​ຂວາງ​ ຕໍ່ການ​ພັດ​ທະ​ນາ​ແຫ່ງ​ຊາດ” ແມ່ນຫົວ​ຂໍ້ເປົ້າໝາຍ​ພັດ​ທະ​ນາ​ແບບ​ຍືນ​ຍົງ​ທີ18. ​ເຄື່ອງ​ໝາຍໂລ​ໂກ​​ມີພື້ນ​ເປັນ​ສີ​ແດງ, ມີ​ຄົນ​ພິ​ການ​ຖື​ໄມ້​ຄ້ອນ​ເທົ້າ​ຍ່າງ​ອອກ​ຮ່າງ​ຈາກ​ລະ​ເບີດ​ບົ່ມ​ບີ ​ແລະ ມຸ່ງ​ໜ້າ​ໄປ​ສູ່​ອະ​ນາ​ຄົດ​ທີ່​ມີ​ຄ​ວາມ​ອາດ​ສາມ​າດ ແລະພຶ່ງ​ພາ​ຕົວ​ເອງໄດ້.

ເປົ້າໝາຍ​ພັດ​ທະ​ນາ​ແບບ​ຍືນ​ຍົງ​ທີ18 ແມ່ນ​ເປົ້າໝາຍ​ໃໝ່​ທີ່​ເພີ່ມ​ເຂົ້າ​ໃນ​ຈຳ​ນວນ​ເປົ້າໝາຍພັດ​ທະ​ນາ​ແບບ​ຍືນ​ຍົງ​ທັງ​ໝົດ 17 ເປົ້າໝາຍ​ທີ່​ໄດ້​ຖືກ​ຮັບ​ຮອງ​ໃນ​ລະ​ດັບ​ສາ​ກົນ. ເປົ້າໝາຍ​​ດັ່ງ​ກ່າວ​​ມີ​ສຳ​ຄັນ​ໃນ​ວາ​ລະ​ການ​ພັດ​ທະ​ນາ​ແບບ​ຍືນ​ຍົງ​ທີ່​ໄດ້​​ປະ​ກາດ​ນຳ​ໃຊ້​ໃນ​ຕົ້​ນ​ປີນີ້. ​ສ​ປ​ປ ລາວ ຮ່ວມ​ກັບ​ບັນ​ດາ​ປະ​ເທດ​ສະ​ມາ​ຊິກ​ ສ​ປ​ຊ ຈຳ​ນວນ 192 ປະ​ເທດ​​ໄດ້​ຮັບ​ຮອງເປົ້າໝາຍ​ພັດ​ທະ​ນາ​ແບບ​ຍືນ​ຍົງ ທີ່​ກອງ​ປະ​ຊຸມສະ​ມັດຊາ​ໃຫ​ຍ່​ທີ່​ນິວຢອກ​ໃນ​ເດືອ​ນ​ກັນ​ຍາ 2015 ທີ່​ຜ່ານ​ມາ ແລະ​ໄດ້​ເຊື່ອມ​​ສານ​ວຽກ​ງານ​ດັ່ງ​ກ່າວເຂົ້າໃນ​ແຜນ​ການ​ ແລະ ນະ​ໂຍ​ບາຍ​ແຫ່ງ​ຊາດ. ບັນ​ດາ​ເປົ້າ​ໝາຍການ​ພັດ​ທະ​ນາ​ແບບ​ຍືນຍົງເຫຼົ່າ​ນີ້ມີ​ຈຸດ​ປະ​ສົງ​ເພື່ອ​ລຶບລ້າງ​ຄວາມ​ທຸກ​ຍາກ, ຕໍ່​ສູ້​ກັບ​ຄວາມ​ບໍ່​ຍຸ​ຕິ​ທຳ, ຄວາມບໍ່​ສະເໝີພາບແລະ ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ​ພາຍໃນ​ປີ 2030, ສະ​ນັ້ນ​,ສິ່ງ​ດັ່ງ​ກ່າ​ວນີ້​​ຈະນຳ​ພາ​​ທົ່ວໂລກ​ໄປ​ຕາມທິດ​ທາງ​ການ​ພັດ​ທະ​ນາ​ແບບ​ຍືນ​ຍົງ​.

ສ​ປ​ປ ລາວ ໄດ້​ຕັດ​ສິນ​ໃຈ​ແກ້​ໄຂ​ຜົນ​ກ​ະ​ທົບ​ຈາກ​ສົງ​ຄາມ​ອິນ​ໂດ​ຈີນ (1964-1973) ໂດຍ​ການ​ສ້າງ​ເປົ້າໝາຍ​ພັດ​ທະ​ນາ​ແບບ​ຍື​ນ​ຍົງ​ສະເພາະຂອງ ສປປ ລາວໃນ​ວຽກ​ງານ​ການ​ເກັບ​ກູ້​ລະ​ເບີດບໍ່ທັນແຕກທີ່​ມີ​ຈຸດ​ປະ​ສົງ​ເພື່ອ​ຫຼຸດ​ຜ່ອນ​ຈຳ​ນວນ​ຜູ້​​ບາດ​ເຈັບ​ຈາກ​ລະ​ເບີດບໍ່​ທັນ​ແຕກ​, ​ຊ່ວຍ​ເຫຼືອ​​ຜູ້​ຖືກ​ເຄາະ​ຮ້າຍ, ແລະ ເກັບ​ກູ້​ລະ​ເບີດໃນ​ເນື້ອ​ທີ່​ທີ່​​ສ້າງ​ຜົນ​ປະ​ໂຫຍດ​ໃຫ້​ແກ່​ປະ​ຊາ​ຊົນທີ່​ທຸກ​ຍາກ​ທີ່​ສຸດ. ສ​ປ​ປ ລາວ​ ຍັງ​ເປັນ​ປະ​ເທດ​ທີ່​ນຳ​ໜ້າ​ໃນ​ການ​ສະ​ໜັບ​ສະ​ໜູນ ສົນ​ທິ​ສັ​ນ​ຍາ​ການຕໍ່​ຕ້ານ​ການ​ນຳ​ໃຊ້​ລະ​ເບີດ​​ບົ່ມ​ບີ ເຊິ່ງເປັນສົນ​ທິ​ສັນ​ຍ​​​າສາ​ກົນທີ່​ມີ​ຜົນ​ບັງ​ຄັບ​ໃຊ້ໃນປີ 2010 ເຊິ່ງລັດພາຄີຂອງສົນທິສັນຍາດັ່ງກ່າວ ຈະຕ້ອງເກັບກູ້, ທຳລາຍຄັງສາງ ແລະ ຊ່ວຍເຫຼືອຜູ່ຖືກເຄາະຮ້າຍຈາກລະເບີດບົ່ມບີ່.

ເຂົ້າຮ່ວມເປັນສັກຄີພະຍານໃນພິທີ​ປະ​ກາດການນຳ​ໃຊ້ເປົ້າໝາຍ​ພັດ​ທະ​ນາ​ແບບ​ຍື​ນ​ຍົງ​​ທີ18 ໃນ​ຄັ້ງນີ້ ຍັງມີທ່ານ ​ລັດ​ຖະ​ມົນ​ຕີ​ກະ​ຊ​ວງ​ການ​ຕ່າງ​ປະ​ເທດ, ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ລັດຖະມົນຕີກະຊວງ ຊັບພະຍາກອນ ແລະ ສິ່ງແວດລ້ອມ, ຮອງລັດຖະມົນຕີກະຊວງແຜນການ ແລະ ການລົງທຶນ,​ຜູ່​ປະ​ສານ​ງາ​ນ​ອົງ​ການສະຫະປະຊາຊາດ ປະຈໍາ ສປປ ລາວ, ບັນດາເຈົ້າຫນ້າທີ່ລະດັບສູງຂອງ ສປປ ລາວ, ຜູ່ຕາງຫນ້າອົງການເຄື່ອຄ່າຍ ສປຊ ປະຈໍາ ສປປ ລາວ ພ້ອມ​ທັງ​ຜູ່ຕ່າງ​ໜ້າ​ພາກ​ສ່ວນຜູ້​ໃຫ້​ທຶນ​ເປັນຈໍານວນຫຼາຍ ເພື່ອພ້ອມກັນ​​ສະ​ແດງເຈດ​ຈຳ​ນົງຮ່ວມກັນເພື່ອ​ເຮັດ​ໃຫ້​ອະ​ນາ​ຄົດ​ຂອງ ສ​ປ​ປ ລາ​ວ​ປະ​ສະ​ຈາກລະ​ເບີດບໍ່​ທັນ​ແຕກ ແລະ ສົ່ງ​ເສີມ​ຊີ​ວິດ​​ການ​ເປັນ​ຢູ່ທີ່ດີຂຶ້ນຂອງ​ຜູ່​ທີ່​ຖືກ​ເຄາະ​ຮ້າຍ​.

ທ່ານ ບັນ​ຄີ​ມູນ, ເລ​ຂາ​ທິການ​ໃຫ​ຍ່​ອົງ​ການ ສ​ປ​ຊ ກ່າວ​ວ່​າ “ຫຼາຍ​ກວ່າ​ເຄິ່ງ​ໜຶ່ງ​ຂອງຜູ່​​ທີ່​ຖືກ​ເຄາະ​ຮ້າຍຈາກ​ລ​ະ​ເບີດບໍ່​ທັນ​ແຕກ​ໃນ​ ສປ​ປ​ ລາວ ​ສ່ວນ​ຫຼາຍ​ແມ່ນເດັກ​ນ້ອຍ”. “ໂດຍ​ການ​ນຳ​ໃຊ້ ເປົ້າໝາຍ​ການພັດ​ທະ​ນາ​ແບບ​ຍືນ​ຍົງ​ທີ18, ພວກ​ເຮົາ ມີ​ຈຸດ​ປະ​ສົງໃນ​ການ​ຍຸດ​ຕິ​ທ່າ​ອ່ຽງ​ໃນ​ກ​ານ​ເກີດ​ອຸ​ປະ​ຕິ​ເຫດ​ອັນ​ໂຫດ​ຮ້າ​ຍນີ້​ຕໍ່​ກັບ​ໝົດ​ທຸກ​ຄົນ. ຜົນ​ກະ​ທົບ​ທາງ​ດ້ານ​ເສດ​ຖະ​ກິດ-ສັງ​ຄົມ​ ຂອງ​ລະ​ເບີດບໍ່​ທັນ​ແຕກ​ແມ່ນ​ປະ​ຊາ​ຊົນ​ຍັງ​ມີ​ຄວາ​ມ​ຢ້ານ​ກົວ​ໃນ​ການ​ນຳ​ໃ​ຊ້ທີ່​ດິ​ນ ຊຶ່ງ​ມັນ​ສົ່ງ​ຜົນ​ສະ​ທ້ອນ​ອັນ​ບໍ່​ດີ​ໃນ​ການ​ສ້າງ​ລາຍ​ຮັບ​ຂອງ​ຊາວ​ໄຮ່​ ຊາວ​ນາ ແລະ ຄອບ​ຄົວ​ພວກ​ເຂົ​າ​ເຈົ້າ ແລະ ກີດ​ຂວາງການ​ພັດ​ທະ​ນາ​ໂດຍ​ລວມ​ຂອງ​ປະ​ເທດ. ຂ້າ​ພະ​ເຂົ້າ​ມີ​ຄວາມ​ປະ​ຕິ​ຍິນດີຕໍ່​ຄຳ​ໜັນ​ສັນ​ຍາ​ໃນ​ການ​​ປົດ​ປ່ອຍ​ທຸກ​ຄົນອອກ​ຈາກ​ຄວາມ​ຢ້ານ​ກົວ​ຈາກ​ລະ​ເບີດບໍ່​ທັນ​ແຕກ, ຊຶ່ງ​ເປັນ​ເຄື່ອງ​ມື​ໃນ​ການ​ພັດ​ທະ​ນາ​ແບບ​ຍືນ​ຍົງ ຊຶ່ງ​ຈະ​ເປັນ​ຕົວ​ການ​ສຳ​ຄັນ​ໃນ​ການ​ປະ​ສານ​ງານ ແລະ ຮັບ​ປະ​ກັນ​ວ່າ​ຄວາມ​ພະ​ນາ​ຍາມ​​ຈະ​ສົງ​ຜົນ​ປະ​ໂຫຍດ​ສູງ​ສຸດ”

ທ່ານ ບັນ​ຄີ​ມູນໄດ້​ກ່​າວ​ເພີ່ມ​ອີກວ່າ ການ​ຈັດ​ຕັ້ງ​ປະ​ຕິ​ບັດເປົ້າໝາຍການ​ພັດ​ທະ​ນາ​ແບບ​ຍືນ​ຍົງ, ອົງ​ການ ສ​ປ​ຊ ແມ່ນ​ກຳ​ລັງ​ດຳ​ເນີນ​ຕາມ​ແຜນ​ການ​ທີ່​ໃຫ້​ຄຳ​ໝັນ​ສັນ​ຍາ​ວ່າ​ຈະ​ບໍ່​ປະຖິ້ມ​ບຸກ​ຄົນ​ໃດ​ໜຶ່ງ​ໄວ້​ຂ້າງ​ຫຼັງ. ທ່ານ​ຮັບ​ຮູ້​ການ​ສະ​ໜັບ​ສະ​ໜູນ​ຂອງ​ພາກ​ສ່ວນ​ລັດ​ຖະ​ບານ, ຄູ່​ຮ່ວມ​ພັດ​ທະ​ນ​າ ແລະ ອົງ​ການຈັດ​ຕັ້ງ​ທາງ​ສັງ​ຄົມ ທີ່ເປັນ​ພາກ​ສ່ວນ​ທີ່​ສຳ​ຄັນ​ໃນ​ການ​ປະ​ຕິ​ບັດ​ແຜ​ນ​ການ​ພັດ​ທະ​ນາ​ແບບ​ຍືນ​ຍົງ​ໃນ​ສ​ປ​ປ ​ລາວ.

ທ່ານ ທອງ​ລຸນ ສີ​ສຸ​ລິດ ໄດ້​ເນັ້ນ​ໜັກ​ຕໍ່ການຕັ້ງ​ເປົ້າ​ໝາຍ​ການ​ພັດ​ທະ​ນາ​ແບບ​ຍືນ​ຍົງ​ທີ18 ວ່າ: ລັດ​ຖະ​ບານ​ຂອງ​ພວກ​ເຮົາ ໂດຍ​ຜ່ານ​ການ​ຈັດ​ຕັ້ງ​ປະ​ຕິ​ບັດ ເປົ້າໝາຍ​ພັດ​ທະ​ນາແບບ​ຍືນ​ຍົງ​ທີ18 ຈະຮັບ​ປະ​ກັນ​ການເກັບ​ກູ້​ລະ​ເບີດບໍ່​ທັນ​ແຕກ​ໃຫ້​ໄດ້​ຫຼາຍ​ທີ່​ສຸດ​ເທົ່າ​ທີ່​ຈ​ະ​ເຮັດ​ໄດ້​ໃນ​ເນື້ອ​ທີ່​ທີ່​ມີ​ຜົນ​ກະ​ທົບ​ ແລະ ​ບ່ອນ​ມີ​ຄົນ​ທຸກ​ຍາກ​ຢູ່​ຫຼາຍ​ທີ່​ສຸດພາຍ​ໃນ​ປີ 2030. ພວກ​ເຮົາຍັງ​ຈະ​ເນັ້ນ​ໜັກ​ຮັບ​ປະ​ກັນ​ວ່າ​ຜູ້​ທີ່​ຖືກ​ເຄາະ​ຮ້າຍ​ໝົດ​ທຸກ​ຄົນ​ໄດ້​ຮັບ​ການ​ສະ​ໜັບ​ສະ​ໜູນ​ຊ່ວຍ​ເຫຼື​ອ​ ແລະ ​ສາ​ມາດ​ດຳ​ລົງ​ຊີ​ວິດ​ຢ່າງມີ​ກຽດ. ສຳ​ລັບພວກ​ເຮົາ​ ແລ້​ວ​ເພື່ອ​ເຮັດ​ໃຫ້​ປະ​ສົບ​ຜົນ​ສຳ​ເລັດ​ດັ່ງກ່າວເຮົາ​ຕ້ອງ​ການ​​ຮ່ວມ​ມື​ກັນ ​.”

ໃນ​ຂັ້ນ​ຕອນ​ທຳ​ອິດ​ຂອງ​ການ​ຈັດ​ຕັ້ງ​ປະ​ຕິ​ບັດເປົ້າໝາຍການ​ພັ​ດ​ທະ​ນາ​ແບບ​ຍືນທີ​18, ລັດ​ຖະ​ບານ​ກຳ​ລັງ​ວາງ​ແຜນ​ການ​ດຳ​ເນີນ​ການ​ສຳ​ຫຼວດ​ແຫ່ງ​ຊາດ​​ເພື່ອກຳ​ນົດ​ຈຸດ​ລະ​ເບີດບໍ່​ທັນ​ແຕກ ​ສິ່ງ​ດັ່ງ​ກ່າວນີ້​ຈະ​ຊ່ວຍໃນການ​ກຳ​ນົດ​ເນື້ອ​ທີ່ສຳ​ລັບ​ການກວດ​ກູ້​ລະ​ເບີດ​ໃນບ່ອນ​​ທີ່​ມີ​ຄວາມ​ສ່ຽງ​ສູງ ​ແລະ ຫຼຸດ​ຜ່ອນ​ຈຳ​ນວນ​ຜູ້​​ທີ່​ຈະ​ໄດ້​ບາດ​ເຈັບ.

 

​ຕິດ​ຕໍ່​ສອບ​ຖາມ​ເພີ່ມ​ເຕີມ​ທີ່:

ນາງ ອິດິ​ໂກ ໂຮ​ໂມ​ສ​-ໂ​ໂລ

ຊ່ຽວ​ຊານ​​ຂໍ້​ມູນ​ຂ່າວ​ສານ, ອົງ​ກ​ານ ສ​ປ​ຊ ປະ​ຈຳ​ ສປປ ລາວ

ຫ້ອງ​ການ: 021 267 778, ມື​ຖື: 020 7717 7913

This email address is being protected from spambots. You need JavaScript enabled to view it.

Sustainable Development Goals

E SDG Poster Tabloid

Look at our Exposure photo stories

Exposure screenshot

60 years of Lao - UN partnership

Promo shot 1