ສປປ ລາວ ປະກາດ​ຈັດ​ຕັ້ງ​ປະຕິບັດ​ແຜນ​ງານຮ່ວມ​ມື​ສົ່ງ​ເສີມ​ວຽກ​ທີ່​ມີ​ຄຸນຄ່າ​ ສຸມ​ໃສ່​ການ​ສ້າງ​ວຽກ​ເຮັດ​ງານ​ທຳ ​ແລະ ປົກ​ປ້ອງ​ສິດທິ​ການ​ເຮັດ​ວຽກ

english button

ຄອນຫລວງວຽງຈັນ, 30 ພຶດສະພາ 2017

ສປປ ລາວ ​ປະກາດ​ຈັດ​ຕັ້ງ​ປະຕິບັດ​ແຜນ​ງານ​ຮ່ວມ​ມື​ສົ່ງ​ເສີມ​ວຽກ​ທີ່​ມີ​ຄຸນຄ່າ​ໄລຍະ 2017-2021 ​ໂດຍ​ການ​ລົງ​ນາມ​​ໃນ​ບົດ​ບັນຄວາມ​ເຂົ້າ​ໃຈ​ລະຫວ່າງ​ຕາງໜ້າ​ຈາກ​ລັດຖະບານ, ຫ້ອງການ​ສະພາ​ການ​ຄ້າ ​ແລະ ອຸດ​ສະຫະ​ກຳ​ແຫ່ງ​ຊາດລາວ, ສູນ​ກາງ​ສະຫະພັນ​ກຳ​ມະ​ບານ​ລາວ ​ແລະ ອົງການ​ແຮງ​ງານ​ສາກົນ. ​ແຜນ​ງານ​ຮ່ວມ​ມື​ດັ່ງກ່າວ​ມີ​ຈຸດປະສົງ​ເພື່ອ​ສົ່​ງ​ເສີມ​ການ​ພັດທະນາ​ແບບ​ມີ​ສ່ວນ​ຮ່ວມ ​ແລະ ມີ​ຄວາມ​ຍືນ​ຍົງ ​ໂດຍ​ການ​ສົ່ງ​ເສີມ​ສ້າງ​ວຽກ​ເຮັດ​ງານ​ທຳ ​ແລະ ພັດທະນາ​ສີມື​ແຮງ​ງານ,ຈັດ​ຕັ້​ງປະຕິບັດ​ມາ​ດຕະຖານ​ແຮງ​ງານ, ​ຂະຫຍາຍ​ການ​ປົກ​ປ້ອງ​ສັງຄົມ ​ແລະ ສົ່​ງ​ເສີມ​ການ​ປຶກສາ​ຫາລື​ສາມ​ຝ່າຍ.

 

FLB 0306 resized

ຮູບພາບ: UN Lao PDR / Lou Sensouphone 

ທ່ານ​ຮອງລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ ດຣ. ກິ​ແກ້ວ ຈັນທະ​ບູຣີ ​ໄດ້​ກ່າວມີ​ຄຳ​​ເຫັນ​ໃນ​ພິທີ​ວ່າ ການ​ສ້າງ​ວຽກ​ເຮັດ​ງານ​ທຳ​ທີ່​ມີ​ຄຸນຄ່າ ​ໂດຍ​ສະ​ເພາະ​ສຳລັບ​ແຮງ​ງານ​ທີ່​ດ້ອຍ​ໂອກາດ ​ແລະ ​ອາ​ໃສ​ຢູ່​ຊົນນະບົດ​ຈະ​ເປັນ​ກຸນ​ແຈ​ສຳຄັນ​ໃນ​ພາລະກິດ​ການຫຼຸດຜ່ອນ​ຄວາມທຸກ​ຍາກຂອງປະ​ເທດ ​ແລະ ການ​ບັນລຸ​ເປົ້າ​ໝາຍ​ການ​ນຳພາປະ​ເທດ​ຫຼຸດພົ້ນ​ອອກ​ຈາກ​ສະຖານະ​ພາບ​ການ​ເປັນ​ປະ​ເທດ​ດ້ອຍ​ພັດທະນາ.” ທ່ານ​ຍັງ​ໄດ້​ກ່າວ​ຕື່ມ​ອີກ​ວ່າ​ແຜນ​ງານ​ຮ່ວມ​ມື​ໄລຍະ 5 ປີ​ນີ້​ຈະ​ປະກອບສ່ວນ​ສຳຄັນ​ເຂົ້າ​ໃນ​ການຈັດ​ຕັ້ງປະຕິບັດ ​ແລະ ການ​ລາຍ​ງານ​ຜົນ​ການຈັດ​ຕັ້ງ​ປະຕິບັດ​ເປົ້າ​ໝາຍ​ການ​ພັດທະນາ​ຍືນ​ຍົງ ຫຼື SDGs ຂອງ ສປປ ລາວ ​ແລະ ​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ​ໄລຍະ 5 ປີ ຄັ້ງ​ທີ 8 ຫຼື NSEDP.

​ແຜນ​ງານ​ຮ່ວມ​ມື​ນີ້​ມີ​ເປົ້າ​ໝາຍ​ເພື່ອ​ບັນ​ລູ​ເງື່ອນ​ໄຂ​ການ​ຫຼຸດພົ້ນ​ອອກ​ຈາກ​ສະ​ຖະນະພາ​ບການ​ເປັນ​ປະ​ເທດ​ດ້ອຍ​ພັດທະນາ​ໃນ​ປີ 2020, ​ໂດຍ​ສະ​ເພາະ​ການ​ແກ້​ໄຂ​ການ​ພັດທະ​ນາ​ມະນຸດ, ຄວາມ​ບອບ​ບາງ​ດ້ານ​ເສດຖະກິດ ​ແລະ ການ​ຂະຫຍາຍ​ການ​ປົ​ກປ້ອງ​ສັງຄົມ.” ທ່ານ ດຣ. ກິ​ແກ້ວ​ໄດ້​ກ່າວ.

ຜູ້ອຳນວຍການ​ຂອງ​ຫ້ອງການ​ອົງການ​ແຮງ​ງານ​ສາກົນ​ຮັບ​ຜິດ​ຊອບ​ປະ​ເທດ​ລາວ, ​ປະ​ເທດກຳປູ​ເຈຍ ​ແລະ ປະ​ເ​ທດ​ໄທ, ທ່ານ ມໍລິ​ຊິ​ໂອ ບຸດ​ຊີ ​ໄດ້​ກ່າວ​ວ່າ:ຈຸດ​ພິ​ເສ​ດດ້ານ​ປະຊາກອນ​​ໄວ​ໜຸ່ມ​ຂອງປະ​ເທດ ​ເປັນ​ໂອກາດ​ສຳຄັນ​ສຳລັບ ສປປ ລາວ. ຈຸດ​ພິ​ເສດ​ດັ່ງກ່າວ​ຈະ​ເຮັດ​ໃຫ້​ປະ​ເທດ​ສາມາດປະຢັດ​ ​ແລະ ຫຼຸດຜ່ອນ​ຄ່າ​ໃຊ້​ຈ່າຍ​ດ້ານ​ການ​ບໍລິການ​ທາງ​ສັງຄົມ ສຳລັບ ສປປ ລາວ ​ເຊິ່ງຈະ​ເປັນ​ການ​ປູ​ທາງ​ສຳລັບ​ການ​ລົງທຶນ​ເພີ້​ມ​ເຕີມ​ໃນ​ການ​ພັດທະນາ​ເສດຖະກິດ-ສັງຄົມ​​ແບບ​ມີ​ສ່ວນ​ຮ່ວມ ​ແລະ ຍືນ​ຍົງ

​ແຕ່ ສປປ ລາວ​ ຈະ​ສາມາດ​ໄດ້​ຮັບປະ​ໂຫຍ​ດສູງ​ສຸດ​ຈາກ​ການ​ມີ​ປະຊາກອນ​ໄວ​ໜຸ່ມສູງ​ ຖ້າ​ຫາ​ກສາມາດ​ສ້າງ​ວຽກ​ທີ່​ມີ​ຄຸນຄ່າທີ່​ດີ ​ແລະ ຫຼາຍຂຶ້ນ​ກ່ວາ​ເກົ່າ ​ແລະ ​ແຮງ​ງານ​ໄວ​ໜຸ່ມ​ໄດ້​ຮັບ​ການ​ພັດທະນາ​ຕາມ​ການ​ຂະຫຍາຍ​ຕົວ ​ແລະ ການ​ພັດທະນາ​ທີ່​ມີ​ສ່ວນ​ຮ່ວມ. ຂົງ​ເຂດ​ສຳຄັນຂອງ​ແຜນ​ງານ​ຮ່ວມ​ມື​ສົ່ງ​ເສີມ​ວຽກ​ທີ່​ມີ​ຄຸນຄ່າ​ໃນ​ໄລຍະ 5 ປີ ຕໍ່ໜ້າ ຈະ​ສຸມ​ໃສ່​ໃນ​ການ​ສົ່ງ​ເສີມ ​ແລະ ຈັດ​ຕັ້ງ​ປະຕິບັດ​ນະ​ໂຍບາຍ, ​ຍຸດ​ທະ​ສາດ ​ແລະ ​ແຜນ​ງານ​ສົ່ງ​ເສີມ​ໂອກາດ​ການ​ຈ້າງ​ງານ​ທີ່​ມີ​ຜະລິດ​ຕະພາບ ​ແລະ ວຽກທີ່​ມີ​ຄຸນຄ່າ​ໃນ​ຊົນນະບົດ, ພ້ອມ​ທັງ​​ເນັ້ນ​ໜັກ​ໃນ​ການ​ພັດທະນາ​ຄວາມ​ອາດ​ສາມາດ​ການ​ຄຸ້ມ​ຄອງ​ບໍລິຫານ ​ແລະ ຂະຫຍາຍ​ລະບົບ​ປົກ​ປ້ອງ​ສັງຄົມ​ໃຫ້​ມີ​ຄວາມ​ຍືນ​ຍົງ.”

ລົງ​ນາມ​ໃນບົດ​ບັນທຶກ​ຄວາມ​ເຂົ້າ​ໃຈ​ໃນ​ຄັ້ງ​ນີ້​ແມ່ນ​ໂດຍ​ທ່ານ ດຣ. ກິ​ແ​ກ້ວ ຈັນທະ​ບູຣີ, ຮອງລັດຖະມົນຕີ​​ກະ​ຊວງ​ແຜນການ ​ແລະ ການ​ລົງທຶນ, ທ່ານ ນາງ ​ໃບ​ຄຳ ຂັດ​ຕິ​ຍະ, ຮອງລັດຖະມົນຕີ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ, ທ່ານ ສີ​ມູນ ອຸ່ນ​ລາສີ, ຮອງ​ປະທານ​ ສູນ​ກາງ​ກຳມະ​ບານ​ລາວ, ທ່ານ ດາວ​ວອນ ພະຈັນ​ທະ​ວົງ ຮອງ​ປະທານຫ້ອງການ​ສະພາ​ການ​ຄ້າ ​ແລະ ອຸດ​ສະຫະ​ກຳ​ແຫ່ງ​ຊາດ​ລາວ.

ILO

ຮູບພາບ: ILO Lao PDR

ແຜນ​ງານຮ່ວມ​ມືສົ່ງ​ເສີມວຽກ​ທີ່ມີ​ຄຸນຄ່າ​ເປັນ​ກອບ​ການ​ຮ່ວມ​ມື​ທີ່​ອົງການ​ແຮງ​ງານ​ສາກົນ​ສະໜັບ​ສະໜັບສະໜູນອົງການ​ຈັດ​ຕັ້ງ​ສາມ​ຝ່າຍ​ໃນ​ປະ​ເທດ​ສະມາຊິກ. ​ເປັນ​ເອກ​ກະສາ​ນການ​ຮ່ວມ​ມື​ທີ່ສະທ້ອນ​ເຖິງ​ການ​ສະໜັບສະໜູນ​ຂອງ​ອົງການ​ແຮ​ງານ​ສາກົນ​ສົ່ງ​ເສີມວຽກ​ທີ່​ມີ​ຄຸນຄ່າ​ເ​ປັນ​ໃຈກາງວາລະ​ການພັດທະນາ​ແບບ​ຍືນ​ຍົງ 2030, ​ແລະ ຕິດ​ພັນ​ກັບ​ແຜນ​ພັດທະນາ​ແຫ່ງ​ຊາດ ​ແລະ ​ແຜນ​ງານ​ຮ່ວມ​ມືລະຫວ່າງ​ອົງການ​ເຄືອ​ຂ່າຍສະຫະປະຊາ​ຊາດ ​ແລະ ລັດຖະບານ.

ອົງການ​ແຮງງານ​ສາກົນ​ເປັນ​ອົງການ​ເຄືອ​ຂ່າຍ​ສະຫະ​ປະຊາ​ຊາດ​ທີ່​ສະໜັບສະ​ໜູນ​ວຽກ​ງານ​ດ້ານ​ແຮງ​ງານ ​ແລະ ມາດຕະຖານ​ການ​ເຮັດ​ວຽກ. ອົງການ​ແຮງ​ງານ​ສາກົນ​ເປັນ​ອົງການ​ຈັດ​ຕັ້ງ​ສາມ​ຝ່າຍ​ທີ່​ປະດ້ວຍ​ອົງການຕາງໜ້າລັດຖະບານ, ອົງການ​ຕາງໜ້າ​ຜູ້​ໃຊ້​ແຮງ​ງານ ​ແລະ ອົງການ​ຕາງໜ້າ​ຜູ້​ອອກ​ແຮງ​ງານ​ ທີ່​ຮ່ວມ​ມື​ກັນ​ໃນ​ການ​ກຳນົດ​ນະ​ໂຍບາຍ ​ແລະ ​ແຜນ​ງານ​ສົ່ງ​ເສີມ​ວຽກ​ທີ່​ມີ​ຄຸນຄ່າ​ສຳລັບ​ທຸກ​ຄົນ. ​ໃນ ສປປ ລາວ, ອົງການ​ຈັດ​ຕັ້ງ​ສາມ​ຝ່າຍ​ແມ່ນ​ຕາງໜ້າ​ໂດຍ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ, ສູນ​ກາງ​ກຳມະບານ​ລາວ, ​ແລະ ຫ້ອງການ​ສະ​ພາ​ການ​ຄ້າ ​ແລະ ອຸດ​ສະຫະ​ກຳ​ແຫ່ງ​ຊາດ​ລາວ.

ສອບ​ຖາມ​ຂໍ້​ມູນ​​ເພີ້​ມ​ເຕີມ ຕິ​ດຕໍ່

ນາງ ​ເຂັມ​ພອນ ​ເຜົ່າ​ຄຳ​ແກ້ວ

ຜູ້​ປະສານງານ ອົງການ​ແຮງ​ງານ​ສາກົນ ປະຈຳ ສປປ ລາວ

​ໂທ.: +856 20 5662 1760

Email: This email address is being protected from spambots. You need JavaScript enabled to view it.

ທ່ານ ມໍ​ລະ​ກົດ ວົງ​ໄຊ

ຫົວໜ້າ​ພະ​ແນ​ກ​ອົງການ​ສະຫະ​ປະຊາ​ຊາດ

ກົມ​ຮ່ວມ​ມື​ສາກົນ, ກະຊວງ​ແຜນການ ​ແລະ ການ​ລົງທຶນ

​ໂທ: 856-21-222214,

This email address is being protected from spambots. You need JavaScript enabled to view it.

Sustainable Development Goals

E SDG Poster Tabloid resized

Look at our Exposure photo stories

Exposure screenshot resized

Watch the new film by UN in Lao PDR, 'This is Development'

SDG film thumbs

60 years of Lao - UN partnership

Promo shot 1 resized