ສ້າງອະນາຄົດແບບຍືນຍົງຮ່ວມກັນ

 

english button

ນະຄອນຫຼວງວຽງຈັນ, 10 ກໍລະກົດ 2017

“ການມີເປົ້າໝາຍບໍ່ແມ່ນເລື່ອງເພີ້ຝັນ. ມັນບໍ່ແມ່ນຄວາມຫວັງລົມໆແລ້ງໆ ຫຼື ຄວາມຝັນແບບຄຸມເຄືອ ວ່າມື້ໜຶ່ງເຮົາຈະມີ,ຈະເຮັດ ຫຼື ຈະເປັນ. ບໍ່, ການມີເປົ້າໝາຍມີຄວາມໝາຍຫຼາຍກວ່ານັ້ນ.” – ນີ້ແມ່ນຄໍາກ່າວເປີດຮູບເງົາໃໝ່ຂອງພວກເຮົາ ເຊິ່ງມີຫົວຂໍ້ວ່າ ນີ້ແມ່ນການພັດທະນາ - ເປົ້າໝາຍການພັດທະນາແບບຍືນຍົງ ໃນ ສປປ ລາວ. ຮູບເງົາດັ່ງກ່າວໄດ້ຮັບການເຜີຍແຜ່ມື້ນີ້ໂດຍອົງການສະຫະປະຊາຊາດ ປະຈຳ ສປປ ລາວ ເຊິ່ງເປັນຮູບເງົາທີ່ສະແດງໃຫ້ເຫັນວ່າ ປະຊາຊົນລາວມຸ່ງໜ້າສູ່ເປົ້າໝາຍ ແລະ ຄວາມຝັນຂອງເຂົາເຈົ້າ ດ້ວຍຫົວໃຈທີ່ມຸ່ງໝັ້ນ ແລະ ຈິດໃຈອັນແຮງກ້າຄືແນວໃດ. 

SDG film thumbs

ຮູບພາບ: UN Lao PDR / Ildiko Hamos-Sohlo

ຮູບເງົາສ້າງແຮງບັນດານໃຈນີ້ ເປີດເລື່ອງໂດຍສຽງກອງທີ່ຢູ່ວັດທີ່ມີເອກະລັກສະເພາະ ແລະ ນຳສະເໜີ ນ້ອງ ດີ້ ສາວ ລາວ, ນັກມວຍສາວຄົນເກັ່ງ ໄວ 16 ປີ ຂອງນະຄອນຫຼວງວຽງຈັນ ແລະ ສະແດງໃຫ້ເຫັນວ່າ ນ້ອງ ດີ້ ເຮັດວຽກແນວໃດເພື່ອໃຫ້ບັນລຸເປົ້າໝາຍຂອງຕົນເອງ ໂດຍບໍ່ຢ້ານກົວຕໍ່ການປລາໄຊ ແລະ ຈົດຈໍ່ໃສ່ໃນສິ່ງທີ່ນ້ອງຕ້ອງການ. ຈາກນັ້ນ, ພວກເຮົາຈະໄດ້ເຫັນ ແລະ ໄດ້ຍິນສຽງຈາກຫຼາຍໆຄົນຈາກທຸກສາຂາອາຊີບໃນ ສປປ ລາວ ທີ່ມີຄວາມມຸ່ງໝັ້ນທີ່ຈະເຮັດໃຫ້ຄວາມຝັນຂອງເຂົາເຈົ້າກາຍເປັນຄວາມຈິງ. ຮູບເງົານີ້ແມ່ນຖ່າຍທຳຢູ່ ສປປ ລາວ ເຊິ່ງມີການຈັບພາບຂອງຕົວລະຄອນທີ່ໜ້າຫລົງໄຫຼ, ຄວາມສວຍງາມຂອງທຳມະຊາດໃນປະເທດ ພ້ອມກັບຄວາມປາດຖະໜາອັນແຮງກ້າຂອງຄົນທີ່ມີຄວາມມຸ່ງໝັ້ນ ເພື່ອໃຫ້ມີອະນາຄົດທີ່ສົດໃສ ສຳລັບຕົນເອງ ແລະ ປະເທດຊາດ.

ຮູບເງົາດັ່ງກ່າວໄດ້ຮັບການເຜີຍແຜ່ຄັ້ງທຳອິດພ້ອມກັບກອງປະຊຸມທາງການເມືອງລະດັບສູງ ກ່ຽວກັບການພັດທະນາແບບຍືນຍົງ ທີ່ຈັດຂຶ້ນຢູ່ທີ່ນິວຢອກ ແຕ່ວັນທີ 10-19 ກໍລະກົດນີ້ ເຊິ່ງເປັນເວທີກາງຂອງອົງການສະຫະປະຊາຊາດ ທີ່ຈະໄດ້ທົບທວນຄວາມຄືບໜ້າຂອງວາລະການພັດທະນາແບບຍືນຍົງ ປີ 2030 ທີ່ຈະໄດ້ຈັດຂຶ້ນໃນທຸກໆປີ ແລະ ໃນປີນີ້ ຫົວຂໍ້ຂອງກອງປະຊຸມແມ່ນ "ການລຶບລ້າງຄວາມທຸກຍາກ ແລະ ການສົ່ງເສີມຄວາມຈະເລີນຮຸ່ງເຮືອງ ໃນໂລກທີ່ກຳລັງປ່ຽນແປງ ". ຫົວໃຈສຳຄັນຂອງວາລະປີ 2030 ແມ່ນເປົ້າໝາຍການພັດທະນາແບບຍືນຍົງ ຫຼື ປພຍ ເຊິ່ງປະກອບມີ 17 ເປົ້າໝາຍ ແລະ ໄດ້ຖືກຮັບຮອງໂດຍບັນດາລັດສະມາຊິກຂອງອົງການສະຫະປະຊາຊາດ ເພື່ອຊ່ວຍຫັນປ່ຽນໂລກເຂົ້າສູ່ເສັ້ນທາງສູ່ອະນາຄົດແບບຍືນຍົງ ໂດຍບໍ່ຖິ້ມໃຜໄວ້ຂ້າງຫລັງ.

ຄະນະຜູ້ແທນທາງການເມືອງຂອງ ສປປ ລາວ ນຳໂດຍທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ, ທ່ານນາງ ສີສົມບູນ ອຸນາວົງ, ຫົວໜ້າກົມຮ່ວມມືສາກົນ, ກະຊວງແຜນການ ແລະ ການລົງທຶນ, ແລະ ທ່ານ ອານຸພາບ ວົງໜໍ່ແກ້ວ, ຫົວໜ້າກົມອົງການຈັດຕັ້ງສາກົນ, ກະຊວງການຕ່າງປະເທດ, ກຳລັງເຂົ້າຮ່ວມກອງປະຊຸມທາງການເມືອງລະດັບສູງ. ໂດຍຮ່ວມອົງການສະຫະປະຊາຊາດ ປະຈຳ ສປປ ລາວ ແລະ ຕາມເປົ້າໝາຍການພັດທະນາແບບຍືນຍົງ, ຄະນະຜູ້ແທນດັ່ງກ່າວຈະຂັບເຄື່ອນວາລະການພັດທະນາຂອງປະເທດ ເພື່ອລຶບລ້າງຄວາມທຸກຍາກ ແລະ ສ້າງອະນາຄົດທີ່ຮຸ່ງເຮືອງ, ຍຸຕິທຳ ແລະ ທົ່ວເຖິງສຳລັບໝົດທຸກຄົນ.

ຢ່າລືມເບິ່ງຮູບເງົາສະບັບເຕັມຂອງພວກເຮົາທີ່ມີຄວາມຍາວ 3 ນທ ໄດ້ທີ່: http://bit.ly/2sKNYga

ເບິ່ງຮູບເງົາສະບັບເຕັມ ທີ່ມີຄວາມຍາວ 7 ນາທີ ໄດ້ທີ່:

Sustainable Development Goals

SDG film Dee lead pic

Look at our photo stories

Exposure screenshot resized

Read our new brochure

Follow us on Twitter

UN in Lao PDR

RT @UN_News_Centre: .@UN launching a year-long campaign to honor the Universal Declaration of Human Rights, the most translated document in…

UN in Lao PDR

RT @UN: Today, we see a disturbing hostility towards human rights. Let us stand against those negative forces. Let us stand up and speak ou…